Cogebanque yazanye konti yise “Iyubakire” yo gufasha abayigana kubakwamo amazu meza, mashya, kandi agezweho mu gufasha abawutuye kwigirira inyubako zijyanye n’igihe.

Kubwayezu Livingstone, Umuyobozi w’ishami rya Cogebanque mu mujyi wa Musanze, avuga ko kuba umujyi bakoreramo utera imbere byihuse cyane mu bijyanye n’inyubako zaba izo guturamo, iz’ubucuruzi n’amahoteli byatumye bashaka icyafasha abahatuye n’Abanyarwanda muri rusange.

Yagize ati "Dufite konti yitwa Iyubakire aho umuntu yizigamira amafaranga buri kwezi, ni konti yunguka nyuma y’igihe runaka iyo yatse inguzanyo tumugabanyiriza inyungu bikamufasha gahunda zijyanye no kwigirira inyubako ye."

Nyuma yo gufasha abantu kugira inzu zabo, Cogebanque ishami rya Musanze batanga inguzanyo ituma umukiriya yiteza imbere mu bucuruzi bwe, kugura ibikoresho birambye ndetse bagakora n’indi mirimo isanzwe ya banki irimo kubitsa, kubikuza no kuguriza abakiriya babo.

Uyu muyobozi wa Cogebanque ishami rya Musanze ryafunguwe tariki ya 28 Gicurasi 2005 yongeraho ko abantu bagomba kugira umuco wo kwizigamira kuko bigoye kubaho udateganyiriza ejo hazaza.

Asobanura imikorere y’iri shami rya Cogebanque riherereye hagati y’isoko rya Musanze na gare, Kubwayezu yagize ati " Dukora imirimo ya banki isanzwe nko kuguriza ababyifuza, kubitsa no kubikuza, abafite menshi turabungukira n’abayifuza [amafaranga] turabaguriza kugira ngo biteze imbere mu mishinga itandukanye nk’ ubucuruzi, ubuhinzi n’ubworozi, kubaka amahoteli n’ibindi."

Yongeraho ko n’ abahinzi n’aborozi bafite imishinga cyangwa amakoperative y’ubuhinzi n’ ubworozi nk’ibirayi n’icyayi, imishinga yabo bayakira bakayiga bakabafasha no kuyicunga neza.

Abakiriya ba COGEBANQUE i Musanze bari guhabwa serivisi

Cogebanque ntiyatanzwe mu gushyigikira gahunda za Leta aho bakorana n’abafite imishinga myiza muri gahunda ya “Hanga Umurimo”, bakabafasha kugera ku ntego zabo.

Nk’uko Cogebanque, umuterankunga ukomeye w’isiganwa ry’amagare rizenguruka u Rwanda "Tour du Rwanda" yabisobanuriye abatuye i Musanze kuri uyu wa Kabiri, Kubwayezu Livingstone nawe yemeza ko ushaka kwiteza imbere ategura by’igihe kinini yakwegera Cogebanque nka banki ifite amafaranga mu gihe umukiriya we afite umushinga.

Nyuma yo gususurutsa abatuye Musanze, itsinda ry’abahanzi Urban Boyz basabye abakunzi babo bari bizihiwe mu ndirimbo nka Kubita, Kelele n’izindi gusaba inguzanyo muri Cogebanque bagatera imbere vuba.

Kuri uyu wa Gatatu, Cogebanque na Urban Boyz bari Kinigi ahasorejwe umunsi wa gatatu wa Tour du Rwanda, abasiganwa bagahaguruka mu mujyi wa Rubavu berekeza mu Kinigi ku ntera ya Km 69,4.

Igihembo cya Cogebanque cy’umukinnyi warushije abandi guterera kiracyafitwe n’umunya Erithrea Eyob Melktel